ក្រុមហ៊ុនដឹកជញ្ជូនអ្នកដំណើរដោយប្រើរថយន្តស៊េរីទំនើបម៉ាក អាល់ហ្វាត បានប្រកាសបង្ហាញវត្តមានជាផ្លូវការដំបូង។ ក្រុមហ៊ុនសាគូរ៉ា បឹស ដែលមានអ្នកវិនិយោគទុនជាជនជាតិជប៉ុន និងបានរួមសហការជាមួយជនជាតិខ្មែរ បានធ្វើការបើកសម្ពោធជាផ្លូវការកាលពីព្រឹកថ្ងៃទី ០១ ខែឧសភា ឆ្នាំ ២០២៤។ ក្រុមហ៊ុនមានទីតាំងស្ថិតនៅផ្ទះលេខ ១៥ អឺ០ ផ្លូវលេខ ២១៧ សង្កាត់ផ្សារថ្មីទី ២ ខ័ណ្ឌដូនពេញ រាជធានីភ្នំពេញ។ ពិធីសម្ពោធនេះបានមានការចូលរួមដោយលោកជុន ម៉ូរី អ្នកវិនិយោគទុនមកពីប្រទេសជប៉ុន និងលោក ចាន់ ធូ ដែលជានាយកប្រតិបត្តិ CEO ជាជនជាតិខ្មែរ។